城門優閒遊

今日約埋一班同學行城門水塘, 我地只時優閒遊, 一路行一路講番以前讀書時的事, 記憶猶新.
我地相真係有40年, 有些同學也做左阿嫲喇..

參觀美荷樓

今天參觀美荷樓.

我未住過7層公屋, 小時住石屋平房, 到拆就上公屋都是較新的.

小時就有去過這些7層公屋, 雞寮去得最常.

Gmarket shopping

我也有開箱文同大家分享:

佢地會自動安排PACK 好一箱寄來, 不同的賣家都可以集合一齊, 這個是我最喜歡, 不同淘寶要自己安排集運, 這真係very good.

Gmarket : 買的時候真係幾難理解D 韓文, 睇圖睇號碼至會買到心頭嗜.

我跟BLOGER 一位媽媽比左個網址跟住買秀麗韓紅參水,

手繩就不合我帶喇, 個圈太細留番比花子帶. 耳環是送的.

雪花秀眼霜sample 裝.

好貴家庭電器

最近買左樣好貴的家庭電器, 吸塵機, 一部用水來隔塵, 可以淨化空氣, 賣點是可以吸塵蟎, 試機時由於我的床褥用左很久, 吸出來已有好多塵蟎,真係好核突.
雖說價錢好貴, 但神推鬼控就買左, 我家也有成員哮喘, 希望可以保持穩定, 健康重要.

暑假台灣行

寫番暑假去了幾天台灣自由行, 只有我和花子2人行, 上網訂近台北車站的旅館, 坐國泰機因花子用飛行里數換的機票, 查實都唔平要補650 燃油附加貴.
我倆都要第1次踏足台灣, 睇旅遊書已好清楚介紹, 也上網睇 BLOGHER 全程記下的遊記, 真係入曬腦.
我地第一天去左礁溪 JOIN　左親友一晚行程住民宿, 房間內有個可以浸溫泉的大浴缸.
第二天瞓到交房時間至搭車回台北, 到左台北我倆立即去旅館攞房, 以為一定要3點才比房間. 店員話即有可以上房放低行李就去醫肚.

台北真係好多火鍋店, 我地中午就食火鍋. 去101 , 在附近店舖行下.

 

第三天去九份, 搭巴士去, 搭火車要轉車上山 , 在台北有直車到山上, 行左一陣就走, 冇去放天燈, 因火車剛開走左, 要等1小時才有,無謂浪費時間, 即改回台北只等幾分鐘就有莒光號.
夜晚在西門町食鴨肉河粉, 又係周邊行, 買消夜回旅館食.

本應第四天回家, 但因颱風打到來, 中午收到訊息 取消班機, 為有再住多一晚, 咁中午就去左新北投溫泉區行, 晚上又打邊爐.

第五天上午我倆去上引水產食日本食品. 中午早些到機場回家..

皇帝菜

今日見到街市有皇帝菜賣，我都喜歡佢既味道，人家話似茼蒿，查實我有廿幾年冇食過，唔知咩味，但呢隻皇帝菜 又可以入口喎，今日買左細細摘 蒜頭炒好好味。

秋涼行郊遊徑

今天天氣真係涼爽, 約左幾位友人去行郊遊徑, 呢到真係初級班, 好易行.
由小西灣傍公園上去大浪灣, 沿路風景都靚, 重有個大海景睇.

澳門買既曲奇

我也寫下食評: 呢隻澳門買回來的曲奇餅, 在舊葡京或新葡京都有得買.
我買左腰果曲奇, 食左好多至記得影相 , 呢隻口感好鬆化, 真係入口就溶化, 食多塊都唔覺有野落肚...
唔係好香牛油味.
但我個人就比較喜歡  Jenny's cookies , 是長形的款式, 好味好香.

習慣

來到這工作差不多一年了, 重未習慣呢到難找食店, 只好每天帶飯, 相對來也比較清淡.
從yahoo 來這里寫, 也要待習慣, 要摸清楚頗要一段時間.

大家最重要是找到, 各自相認..

新手

Yahoo 一聲唔玩，搞到要到處找落腳地，見有好多blogger都用就選擇這個，大家好嗎。